كمشة حكي

ـ1ـ

كمشة حكي رميتي بدينيي

زعلان منّك ليش قلتيها

الغيره بتقتل.. فكري شويّه

ويمكن عيون الحب تعميها

ـ2ـ

رح خبرك هالبنت مين هيي

هاي جارتي اللي كنت ربيها

تمشّيت حدّا بفرد ليليه

وعنك وعني صرت إحكيها

ـ3ـ

كانت نجوم الليل مطفيه

ما رضيت درب العتم تمشيها

وصّلتها ع بيتها خْطيّه

تمشي لوحدا عيب خلّيها

ـ4ـ

حامل بإيدي شموع مضويه

وكتفا ع كتفي.. وضلّ هدّيها

خافت لَتوقع.. كبّشت فيي

زند الرجوله قلت بعطيها

ـ5ـ

كعنشتها بروحي الرياضيه

حبيت بالعتمات إحميها

بردت شويّه.. غمرتها بديي

ولبّستها الكنزه تا دفّيها

ـ6ـ

ولمن، يا روحي، تكيت عليي

صفّيت بالبوسات سلّيها

بوسات كانت عن حسن نيّه

هاي قصتي.. كل الصدق فيها

**