ـ1ـ
رح خبّرك كيف التلاقي صار
وكيف انتهى من أولو المشوار
شفتك قمر عم يلمع قبالي
تاري القمر من طلتك بيغار
ـ2ـ
شفتك شمس بـ عتمة ليالي
من ضحكتك عم تشرق الأنوار
وصرتي حلم عم يمرق ببالي
شوفك بليلي وإرسمك بنهار
ـ3ـ
ملكتي القلب.. صار الإسم غالي
كل ما ذكرتو إحترق بالنار
بعرف أنا من خلقتي عالي
كيف ركعت تا إربحك محتار؟
ـ4ـ
طلعتي لئيمه صعب تا تبالي
بمحبتي.. بتزغرد الأشعار
إنّبت حالي.. تا ربحت حالي
وشلحت خلفي طبعك الغدّار
**
