ـ1ـ
ليش قللي ليش يا لبنان
ع طول عم بتلفّك الأحزان
هالإنفجار الصار بكّى الصخر
ونحنا بكينا دم بالهجران
ـ2ـ
بيكفي بقى موت ودموع وقهر
يا الكل عمرك موطن الإنسان
حكام لازم ينتهوا بالقبر
بس القبر ما بيحضن الزعران
ـ3ـ
خليك واقف.. متل أرز الرب
لولا ركعت هالكون رح يركع
نحنا معك مهما تْطُول الدرب
نحنا جناحك إسمك منرفع
ـ4ـ
منبنيك والله القلب فوق القلب
بدل الحجر.. لا تخاف ما منفزع
ع طول عم بتقوم بعد الحرب
طير الفينيق ان مات رح يرجع
**
